چاند

چاند کا مرکز زمین کے مرکز سے اپنا فاصلہ تقریباً 3,84,400کلومیٹر (2,38,700میل) برقرار رکھتا ہے۔ اُس کا زمین سے کم از کم فاصلہ 3,63,300 کلومیٹر اور زیادہ سے زیادہ 4,05,500 کلو میٹر ہے۔ چاند زمین کا سب سے بڑا ماتحتی سیارہ ہے، جس کی کمیّت زمین کی نسبت 1/81 ہے۔ اُس کا قطر 3,475کلومیٹر (2,159میل) ہے، یہ (نظامِ شمسی کے آخری سیارے) پلوٹو سے بڑا ہے اور زمین کی نسبت 0.27گنا ہے۔ چاند زمین کے گِرداپنی ایک گردِش 27.3 دِنوںمیں پوری کرتا ہے۔ یہ (دورانِ گردِش) ہمیشہ اپنا ایک ہی رُخ زمین کی طرف رکھتا ہے۔٭

سطحِ قمر کے خدّوخال جن میں گڑھے بھی شامل ہیں شہابِ ثاقب کی بمباری سے وُجود میں آئے ہیں۔ اُن کے علاوہ پہاڑ اور بڑے بڑے میدان بھی ہیں

٭چاند کی محورِی اور سالانہ دونوں گردِشوں کا دورانیہ برابر۔۔ ۔ یعنی 27.321661 دِن۔۔ ۔ ہے۔ اِس کا مطلب یہ ہوا کہ اُس کا دِن اور سال دونوں زمین کے تقریباً 27 دِنوں کے مساوِی ہوتے ہیں۔جوں جوں اُس کا محور گردِش کرتا ہے اُس کے ساتھ ساتھ وہ زمین کے گِرد بھی اُسی تناسب سے گھومتا چلا جاتا ہے اور یوں وہ ہمیشہ اپنا ایک ہی رُخ زمین کی طرف رکھنے میں کامیاب رہتا ہے۔ یہی وجہ ہے کہ 1969ء میں چاند کے سر ہونے سے قبل کسی بھی اِنسان نے براہِ راست اُس کی عقبی سمت کا مُشاہدہ نہیں کیا تھ۔ مترجم

جنہیں ماضی میں غلطی سے چاند کے سمندروں (Maria) کا نام دے دیا گیا تھا۔چاند کی سطح کا درجۂ حرارت۔ 163^oسینٹی گریڈ (261^o فارن ہائیٹ) سے 117^o+ سینٹی گریڈ (243^o+ فارن ہائیٹ) تک رہتا ہے۔٭

٭ چاند سے متعلقہ چند اہم اَعداد و شمار
قطر: 3,475.1 کلومیٹر (2,159.3 میل)
کمیت: 7.349X10²² کلوگرام(زمین سے 0.0123 گنا)
کثافت: پانی سے 3.344 گنا زیادہ
زمین سے اَوسط فاصلہ (مرکز سے مرکز تک): 3,84,399.1 کلومیٹر
دَورانیہ محورِی و سالانہ گردش: 27.321661 دن
درجۂ حرارت (کم سے کم): 117.2^oC 243^oF
درجۂ حرارت (زیادہ سے زیادہ):۔ 162.7^oC۔ 261^oF

اکتوبر 1959ء میں رُوسی خلائی تحقیقاتی جہاز Luna 3 نے چاند کی زمین سے مخالف سمت کی سب سے پہلی تصویریں بھیجیں تو معلوم ہوا کہ (اُس کی) دُوسری طرف بھی سامنے جیسی ہی ہے ، سوائے یہ کہ اُدھر (خیالی) سمندر (Maria) موجود نہیں ہیں۔ جب اِنسان 1969ء میں پہلی بار چاند کی سطح پر اُترا تو اُس نے وہاں 3ارب 7کروڑ سال پرانی چٹانوں کا مُشاہدہ کیا۔ یہ اُتنی ہی قدیم تھیں جتنی زمین پر پائی جانے والی قدیم چٹانیں ہیں۔٭

٭ امریکہ اور سوویت یونین کے مابین ہونے والی سرد جنگ کے دوران اَقوامِ عالم کو مرعوب کرنے اور خود کو مدِّمقابل سے برتر ثابت کرنے کی دَوڑ میں دونوں ممالک نے تیزی کے ساتھ بہت سی خلائی تحقیقات کیں۔ جن میں سے سب سے اہم چاند کی تسخیر ہے۔ رُوس کے 1959ء میں شروع ہونے والے Luna Program کی تیزی سے متاثر ہو کر امریکی صدر ’جان ایف کینیڈی‘ نے 1960ء میں یہ اِعلان کیا کہ امریکہ 10 سال کے اندر اندر چاند پر پہنچے گا۔ چنانچہ ’اپالو مِشن‘ شروع کیا گیا، جس کے تحت 20 جولائی1969ء کو Apollo۔11 میں سوار تین امریکی خلاباز چاند تک جا پہنچے۔ ’نیل آرمسٹرانگ‘ اور ’ایڈوِن ایلڈرِن‘ چاند کی سطح پر اُترے جبکہ اُن کا تیسرا ساتھی ’کولنز‘ کمانڈ ماڈل میں بیٹھا مصنوعی سیارے کی طرح چاند کے گِرد محوِ گردِش رہا۔ یوں تسخیرِ ماہتاب کا اِنسانی خواب شرمندۂ تعبیر ہوا۔ 1969ء سے 1972ء تک اپالو مِشن کے کل 6 جہاز چاند تک گئے۔ ہر جہاز میں 3 اَفراد سوار تھے۔ کل 18 اَفراد چاند تک پہنچے جن میں سے 12 نے سطحِ قمر کو چھوا ا ور باقی 6 اُس دوران کمانڈ ماڈل میں بیٹھے چاند کے گرد محوِ گردِش رہے۔ 1972ء کے بعد تا حال کوئی اِنسان چاند پر نہیں گی۔ مترجم

اَشکالِ قمر

چاند کی زمین سے نظر آنے والی شکلوں کے بارے میں مُسلّمہ طور پر یہ طے پا چکا ہے کہ وہ سورج کی طرف اُس کے اِضافی رُخ کی وجہ سے بنتی ہیں۔ چاند جب زمین اور سورج کے درمیان آ جاتا ہے تو نظر نہیں آ سکتا، اسے حالتِ قِران (Conjunction) کہا جاتا ہے٭ اور جب وہ زمین کی دُوسری طرف جا نکلتا ہے تو پورا چاند قابلِ دید (روشن) ہو جاتا ہے۔ پہلے چوتھائی عرصے میں اُس کی دائیں طرف جب کہ آخری چوتھائی عرصے میں بائیں طرف روشن ہوتی ہے۔

٭ ہر قمری ماہ میں ایک ’سورج گرھن‘ اور ایک ’چاند گرھن‘ لگنے کا اِمکان ہوتا ہے۔۔ ۔ ’حالتِ قِران‘(Conjunction) کے وقت ’سورج گرھن‘ اور ’حالتِ بدر‘ (Opposition) میں چاند گرھن کے لگنے کا۔۔۔ ۔ اِس اِمکان کی وجہ یہ ہے کہ چاند قِران کے وقت سورج اور زمین دونوں کے بیچ میں آ جاتا ہے، جس سے سورج کو گرھن لگنے کا اِحتمال پیدا ہو جاتا ہے اور حالتِ بدر کے وقت وہ زمین کے عقب میں چلا جاتا ہے۔ گویا زمین، سورج اور چاند کے درمیان میں آ جاتی ہے۔ ایسے میں چاند گرھن کا اِمکان ہوتا ہے۔ اِس حساب سے ہر دو ہفتے کے بعد ایک گرھن کی باری ضرور آنی چاہیئے۔ جبکہ ہم دیکھتے ہیں کہ اِس شرح سے گرھن مشاہدے میں نہیں آتے۔ وجہ یہ ہے کہ چاند کا مدار زمین کے مدار کی طرف۔۔ ۔ جس میں وہ سورج کے گِرد گردِش کرتی ہے۔۔ ۔ 5.15^o جھکاؤ رکھتا ہے۔ گویا ہر دو ہفتے بعد سورج یا چاند گرھن سے بچ نکلنے کا سبب چاند کے مدار کا وہ 5.15^o جھکاؤ ہے، جو اُسے سورج اور زمین کے عین درمیان میں اور اِسی طرح زمین کے عین عقب میں آ کر گرھن کا مُوجب بننے سے روکتا ہے۔ مترجم