دینِ اسلام اور سیاسی نظام کے باہمی تعلق کی وضاحت

اس کتاب میں تحقیقی انداز میں اُن باطل تصورات کی تردید کی گئی ہے جن کے مطابق اسلام اور سیاست دو متناقض و متخالف نظریات ہیں۔ اس کتاب کے مطالعہ سے ثابت ہوتا ہے کہ حضور نبی اکرم ﷺ تاریخِ انسانیت کی وہ پہلی اور عظیم شخصیت ہیں جنہوں نے دساتیر کی توضیع و تشکیل کے لیے بہترین اُصول وضع فرمائے، جن میں مساوات، اظہارِ رائے کی آزادی، عدل و انصاف، امن و سلامتی اور نظامِ شوریٰ شامل ہیں۔ اس تناظر میں آپ ﷺ کی ہستی اور ذاتِ اعلیٰ صفات کو تاریخ اولین آئین ساز کا درجہ دیتی ہے۔ آپ ﷺ نے نہ صرف یہ اُصول وضع فرمائے بلکہ اپنی زندگی میں ہی اِنہیں عملی جامہ بھی پہنایا۔ یہ اُمور حضور نبی اکرم ﷺ کی دور اندیشی، عدیم المثال فہم و اِدراک اور فقید النظیر فراست و بصیرت کو ظاہر کرتے ہیں۔